Одреден нов датум на боксерскиот спектакл Фјури – Вајлдер
Третиот бокс меч по меѓу тешкашите Тајсон Фјури и Дионтеј Вајлдер ќе се одржи на 9. октомври во Лас Вегас, официјално потврдија промотерите на двајцата боксери.
Претходно бокс мечот требаше да се одржи на 24. јули но е одложен бидејќи Фјури беше позитивен на коронавирус.
Затоа денеска и официјално е објавено дека Тајсон Фјури на 9. октомври ќе го брани шампионскиот појас во ВБЦ верзијата против Дионтеј Вајлдер и тоа ќе биде нивен трет меч.
Trilogy Update 🚨
Posted by #TeamFury pic.twitter.com/tk8msnNXMy— TYSON FURY (@Tyson_Fury) July 15, 2021
Првиот меч кој се одржа во Лос Анџелес во 2018 година заврши нерешено, додека на вториот бокс меч кој се одржа во февруари 2020 година во Лас Вегас, славеше Фјури со нокаут.
Британецот досега во кариерата има 30 победи и едно реми во 31 бокс меч, додека скорот на Вајлдер е 43 победи и по еден пораз и нерешен меч.