Судот за спортска арбитража во Лозана денеска ја отфрли жалбата на Русија против суспензијата од Меѓународниот олимписки комитет (ИОК), пренесува „Ројтерс“.

Како што е наведено, ИОК ја суспендираше Русија во октомври минатата година, откако Рускиот олимписки комитет ги додаде во своето членство Олимписките совети на Луганск, Доњецк, Херсон и Запорожје.

Во образложението на ИОК следуваше суспензијата бидејќи претставува кршење на Олимписката повелба и повреда на територијалниот интегритет на Украинскиот национален олимписки комитет.

По воените конфликти во Украина, на руските и на белоруските спортисти им беше забрането да се натпреваруваат на меѓународно ниво, но минатата година таа казна беше ублажена и беше дозволено натпреварување во индивидуални спортови, без знамето, грбот и химната.

Во таа одлука ИОК наведе дека спортистите не треба да бидат казнети за постапките на нивните влади.