Одлични вести, Ериксен ја напушти болницата
Кристијан Ериксен денеска ја напушти болницата во која помина шест дена и во која беше опериран, потврди фудбалската федерација на Данска.
На Ериксен со оперативен зафат му бил вграден дефибрилатор, апарат кој ја регулира работата на срцетот и денеска е отпуштен од „Кралската болница“ во Копенхаген.
Првата работа која ја направи по излегувањето беше да ги посети колегите од репрезентацијата по што замина во свјот дом каде ќе го продолжи лекувањето.
– Благодарност до сите за големиот број на пораки со поддршка кои ги добив изминатите денови. Неверојатно е да се види и почуствува такво нешто. Се чувствувам добро. Ми беше мило што ги видов момците по одличниот натпревар кој го одиграа против Белгија. Нема потреба да кажам оти ќе ги бодрам во понеделник кога ќе играат против Русија – изјави Ериксен по излегувањето од болница.
Данскиот репрезентативец колабираше во саботата на 12 јуни за време на натпреварот против Финска. Фудбалерот на Интер ја загуби свеста, падна на теренот, а лекарскиот тим 20-тина минути се обидуваше да го реанимира и на крајот успеа да му го спаси животот.
Christian Eriksen has been discharged from the hospital. More here ⬇️#ForDanmark pic.twitter.com/jzF338XiC1
— DBU – En Del Af Noget Større (@DBUfodbold) June 18, 2021
Докторот на Данска открива: Ериксен остана без пулс, со масажа на срцето му го спасивме животот