Македонскиот одбојкарски шампион во женска конкуренција ќе го добиеме со „мајсторка“ откако во четвртиот натпревар од финалето на плејофот Работнички Скопје со 3:0 (25:15, 27:25, 27:25) го совлада Наковски Волеј пред својата публика во СЦ „Борис Трајковски“ и изедначи на 2:2 во победи.

Конкурентите за титулата како и на претходните натпревари така и денеска понудија одличен натпревар, кој беше неизвесен особено во вториот и третиот сет.

До прва максимална победа над Наковски Волеј сезонава Работнички Скопје го предводеа Тамара Стојанова и Антонија Баталаковска со по 12 поени како и Андротеа Милевска со 11 поени.

Кај Наковски Волеј, Сара Марковиќ запиша девет поени, Ивана Милева имаше осум, додека Мила Долдурова и Ива Стојковска имаа по шест.

Петтиот решавачки меч ќе се игра в понеделник, од 18.00 часот, во Струмица.