После двата тесни натпревари во Лигата на шампионите против холандскиот првак Динамо Апелдорн и несреќната елиминација во „златниот сет“, играчите на одбојкарскиот клуб Струмица го продолжија меѓународниот настап во ЦЕВ купот.

Таму македонскиот претставник за противник ја имаше хрватската екипа на Мок Мурса која славеше и по вторпат.

Откако на првиот меч ривалот триумфираше со 3:2, денеска на реваншот беше подобар со 3:1 во сетови.

Иако првиот сет струмичани го добија со 25:21, следните три сета ги освоија Хрватите со 25:17, 25:19 и 25:15.

На тој начин Мок Мурса се пласираше во 1/16 финалето на ЦЕВ купот каде ќе се сретне против Јихострој Чешке Будејовице од Чешка.

За Струмица најефикасен беше Александер Злобин со 20 поени, а на спротивната страна Данило Вуковиќ запиша 19.