Со почеток од 15 јуни, лентите од патарините означени со М-таг ќе бидат наменети исклучиво за корисници со електронски тагови, со што се укинува можноста на овие ленти да се наплатува и преку опцијата М-кард, информираат од Јавното претпријатие за државни патишта (ЈПДП).

Како што се вели во соопштението на ЈПДП, со М-кард ќе може да се плати на останатите достапни ленти на патарината, согласно нивната намена.

Конечно започна доградбата на патарината Миладиновци – ќе се воведе и плаќање со таг и смарт-картички

Од државното претпријатие апелираат за строго почитување на знаците и на информативните електронски табли поставени пред и на самите патарини, каде е јасно означен начинот на плаќање на секоја лента одделно – електронска наплата (M-таг / M-кард) и готовинско плаќање (КЕШ).