Нуланд: За САД е неприфатливо решението со две држави на Кипар

Фото: EPA/NAKE BATEV

„Ние веруваме дека само процес предводен од Кипраните, двете зони и двете заедници, може да донесе мир и стабилност на Кипар”, рече Нуланд

Само процес предводен од Кипраните, двете зони и двете заедници, може да донесе мир и стабилност на Кипар, вели американската потсекретарка за политички прашања Викторија Нуланд.

– САД отфрлаат какво било решение за Кипар во кое би биле вклучени две држави, како што предложи деновиве турскиот претседател Реџеп Тајип Ердоган, рече Нуланд.

На прашањето за време на собраниското сослушување дали американската администрација ја отфрла таквата опција, таа рече: „Да, апсолутно”.

За време на посетата на северниот, турски дел на Кипар, Ердоган рече дека „не може да се постигне никаков напредок во преговорите, ако не се прифати дека има два народа и две држави” на островот.

Кипар е поделен помеѓу Република Кипар, членка на Европската унија, која има власт во јужниот дел на островот и самопрогласената Турска Република Северен Кипар, прогласена во 1983 година, што е призната само од Турција.

Видео на денот