Нови Пазар жестоко казнет поради дивеењето на навивачите на Партизан
Натпреварот одигран пред 11 дена беше прекинат откако навивачите на Партизан го скандираа името на воениот злосторник Ратко Младиќ и извикуваа пароли за Сребреница.
Фудбалската федерација на Србија денеска донесе одлуки поврзани со мечот (8 август) од српската Супер лига помеѓу Нови Пазар и Партизан кој на крајот заврши со победа на гостите (1:4).
Казнет е домаќинот Нови Пазар поради „лошата организација на натпреварот“, следните четири домашни натпревари ќе ги играат без своја публика, и ќе треба да платат казна од половина милион динари, или околу 4.200 евра.
Ниту Партизан не помина неказнет, белградскиот клуб нема да ја има поддршката од своите навивачи на следните четири гостувања, а воедно ќе треба да плати 1.700 евра казна.
Во образложението на казната, навивачите на двата клуба беа казнети за навреди врз основа на верска или етничка припадност, со елементи на нетолеранција.
ВИДЕО: Мечот Нови Пазар-Партизан беше прекинат поради скандирање на воен злосторник