Натпреварот помеѓу Нови Пазар и Партизан во српскиот шампионат (1:4) беше прекинат откако играчите на домашниот тим одбија да ја продолжат играта поради однесувањето на „црно-белите“ навивачи.

За време на полувремето, фановите на Партизан го скандираа името на осудениот воен злосторник Ратко Младиќ, скандирајќи „Нож, жица, Сребреница“, што се пренесе и во второто полувреме.

Откако Рикардо го постигна третиот гол во 61 минута, скандирањето продолжи, а фудбалерите на домашниот тим одбија да продолжат со играта.

Апелите на фудбалерите на Партизан предводени од капитенот Саша Здјелар не вродија со плод, навивачите на тимот од Хумска продолжија со своето скандирање, па играчите на Нови Пазар влегоа во тунелот и повеќепати посочуваа дека немаат намера да се вратат на теренот.

Имаше пауза подолга од половина час, која заврши со празнење на делот од трибината каде беа навивачите на Партизан, по што фудбалерите на двата тима повторно излегоа на теренот за да го одиграат преостанатиот половина час од лигашкиот меч.

Utakmica u Novom Pazaru prekinuta je nakon što su navijači Partizana skandirali Ratku Mladiću, pa su domaći fudbaleri odbili da nastave sa igrom.

Meč je nastavljen pošto su navijači crno-belih isterani sa gradskog stadiona. pic.twitter.com/BtOuCNHOoe

— nova.rs_sport (@novarssport) August 8, 2021