Новак, Рафа и Рожер не играат за пари, туку за приматот најдобар во историја
Шпанецот Пабло Андухар зборува за тоа колкава улога имаат парите во тенисот.
Големата тениска тројка, Новак Ѓоковиќ, Рафаел Надал и Рожер Федерер, не играат тенис поради пари, туку поради славата.
– Тенисерите не би требало да играат за пари, туку затоа што го сакаат овој спорт. Надал, Ѓоковиќ и Федерер не играат поради парите, туку се обидуваат да бидат најдобри во историјата. Сите играат бидејќи го сакаат тенисот, тоа е стил на живот – изјави 53. тенисер на АТП ранг листата.
Андухар смета дека победата повеќе се слави во тенисот отколку во популарните спортови како фудбал и кошарка.
– Кога тенисерот ќе победи не се чувствува иста како фудбалер или кошаркар. Победата е поважна во нашиот спорт бидејќи до неа доаѓаш сам и поради тоа си исполнет. Ние тенисерите немаме плати доколку нема турнири бидејќи живееме од овој спорт.
Тенисерите кои не се во првите 100-150 на ранг листата трошат се што ќе заработат на турнирите. Тимскиот спорт не е толку скап, додека ние мора да се однесувае како шефови, да инвестираме пари и да плаќаме тренери. Да, може да се заработи многу во еден момент, но и трошоците се големи. Згора на тоа мора да плаќаме данок во државата во која е турнирот и во државата во која живееме. Исто така кога си повреден се сам плаќаш.