Српскиот тениски ас Новак Ѓоковиќ синоќа заработи точно 214.421 евро со пласманот во третото коло на Вимблдон во Лондон.

Овој врвен спортски успех повторно во светската јавност го покрена прашањето за неговото огромно богатство, за кое неодамна зборуваше.

На јавноста добро ѝ е познато дека српскиот ас поседува луксузни недвижности низ целиот свет, но за точната цифра со која располага секогаш бил таинствен.

Гостувајќи кај еден од најпознатите британски новинари, Пирс Морган, Ѓоковиќ се соочил со директни прашања за својот повеќемилионски приход.

На прашањето на водителот дали знае колку е богат, Новак кратко одговорил: „Приближно“.

Кога Морган инсистирал на конкретна бројка, тенисерот се обидел да го избегне одговорот велејќи дека не сака да зборува за тоа, но набрзо скромно додал:

„Имам повеќе од еден милион“.

Британскиот новинар не поверувал во овој одговор, па ја изнел својата проценка:

„Ако требаше да претпоставам, би рекол барем 300-400 милиони“.

На тоа, Новак, со препознатливата насмевка, само таинствено потврдил: „Можеби“.

Новак Ѓоковиќ се пласираше во третото коло на gрен слем турнирот Вимблдон откако го победи 87 светски тенисер Стефанос Циципас од Грција во три сета, 6:3, 6:4, 6:2, во второто коло во Лондон. Мечот траеше еден час и 41 минута.

Ѓоковиќ ќе игра против 28 светски тенисер Французинот Артур Риндеркнеш во третото коло.

Ѓоковиќ рутински го совлада Циципас и се пласираше во третото коло на Вимблдон

Ѓоковиќ: „Под итно мора да има промени во тенисот“