Новак Ѓоковиќ ја започна 411 недела на врвот на АТП листата
Најдобриот тенисер на сите времиња Новак Ѓоковиќ денеска ја започна 411 недела на првото место на АТП листата. Со оглед на тоа дека српскиот ас е апсолутен рекордер, на секои седум дена само поставува нов рекорд.
На овој начин Ѓоковиќ се оддалечи од Рожер Федерер за 101 недела, откако Швајцарецот на тронот помина 310 недели. Секако, таа разлика дополнително ќе се зголеми во корист на српскиот ас, откако првата позиција ја обезбеди до 4 март, односно сигурно е дека ќе достигне 414 недели на врвот.
Иако Ноле е безбеден на врвот „само“ дотогаш, најверојатно ќе остане како првопласиран барем до „Ролан Гарос“, и би собрал 428 недели.
RANKINGS UPDATE FOR THE #NOLEFAM
It is now mathematically impossible for Novak to lose the #1 ranking before March 4, 2024.
That’s 4️⃣1️⃣4️⃣ weeks as #1 guaranteed.
Ajde!
🔥💥🎉🎊🥂💃🏻🕺🎾🇷🇸🥇❤️
— 🦋 Yolita🐊 (@Yolitatennis) February 3, 2024
Карлос Алкараз дотогаш има шанса да го престигне, но само теоретски, под услов да се пријави на турнирите во Буенос Аирес, Рио Де Жанеиро и Акапулко и да ги освои сите три. Воедно, и да се случи тоа, не би се задржал долго на врвот пред Србинот, бидејќи Ѓоковиќ годинава ќе игра во Мајами и Индијан Велс, каде минатата сезона не учествуваше, па може да освои и до 2,000 бодови.
На најновата АТП листа води Ѓоковиќ со 9,855 бодови, а зад него е Алкараз со 9,255. Трет тенисер во светот е финалистот на „Австралија опен“ Данил Медведев со 8,765 бодови, а шампионот од Мелбурн Јаник Синер е четврти со 8,310.