Ники Минаж на удар поради ширење дезинформации во Обединетите нации и поддршка за Трамп
Ники Минаж доби бран критики за ширење дезинформации во Обединетите нации, откако тврдеше дека христијаните во Нигерија се цел на насилство, пренесува „Јаху“.
Препорачано
Нејзиниот говор се одржа како дел од новата улога што ја презеде во соработка со администрацијата на Трамп, каде што соработуваше со американскиот амбасадор во ОН, Мајк Валц. Минаж е обвинета од многумина за ширење лажни вести по нејзиниот говор.
„Би сакала да му се заблагодарам на претседателот Трамп што го направи ова прашање приоритет и за неговото лидерство на глобалната сцена во повикот за итна акција за заштита на христијаните во Нигерија. Верата е нападната на премногу места во Нигерија денес. Христијаните се цел на напади, тие се протерани од своите домови и се убиваат. Црквите се палат, семејствата се растргнуваат, а цели заедници живеат во постојан страв поради начинот на кој се молат“, рече Минаж во својот говор.
Нигериската влада претходно ги отфрли тврдењата за целно прогонување на христијанството, нарекувајќи го тоа грубо искривување на реалноста.
