Незгоден ривал за Металург во ЕХФ купот (ФОТО)
Денеска со ждрепка во Виена македонскиот ракометен клуб го доби противникот во последното трето квалификациско коло за пласман во групите на ЕХФ Купот.
Металург пред себе ќе има тешка задача, бидејќи за ривал го доби словенечкиот клуб на Горење Велење.
And here is the Men's #EHFCup Round 3 draw in full.
The first leg of Qualification Round 3 takes place on 16/17 November, the second leg will follow one week later. The 16 winners qualify for the group phase, which will commence on 8 February 2020. pic.twitter.com/Ri6oQmVzJc— EHF European Cup (@ehf_ec) October 15, 2019
Првиот натпревар тимот од Автокоманда ќе го игра на гостински терен на 16/17 ноември во Словенија, а реваншот е една недела подоцна. Вкупно 16 победници ќе се најдат во групната фаза која ќе стартува на 8 февруари 2020 година.
Вчера официјално клубот го промовираше својот нов тренер, нашиот поранешен селектор и екс тренер на Вардар, Зоран Кастратовиќ.
Пласман во групната фаза во ЕХФ Купот ќе бараат уште тројца македонски репрезентативци, Кирил Лазаров со Нант, Филип Кузмановски со Магдебург и Борко Ристовски со Бенфика. Францускиот Нант за противник го доби норвешкиот Арендал, германскиот Магдебург против полскиот Забрзе, а португалската Бенфика ќе се соочи со Нексе од Хрватска.