Официјално: Кастратовиќ е новиот тренер на Металург – Слободен печат
РакометСпорт

Официјално: Кастратовиќ е новиот тренер на Металург

Поранешен македонски селектор и екс тренер на Вардар, Зоран Кастратовиќ, ќе седне на клупата на ракометниот клуб Металург.

Досега немаше никаков тренерски ангажман, претходно последната задача ја имаше како селектор на Иран, а го водеше и националниот тим на Црна Гора.

Тимот од Автокоманда ќе брка место во групната фаза на ЕХФ купот. Ждрепката е во вторник, „сино-белите“ се наоѓаат во групата на носители.

Официјализацијата на договорот најверојатно ќе се случи во текот на утрешниот ден.

Металург сезонава тргна со Дамир Стојановиќ на клупата, но соработката траеше кратко.

Во изминатите две седмици клубот преговараше со голем број еминентни тренери, на списокот беа и Ивица Обрван, Жељко Бабиќ, Бранко Тамше, Рафаел Гихоса и Ненад Кљаиќ, но на крајот договор е постигнат со Зоран Кастратовиќ.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close