Нешто сосема поинакво: Пробајте ја марулата во нови комбинации
Марулата кај нас е популарен зелен листест зеленчук кој се користи во свежа состојба за салати, сендвичи или како декорација на јадења. Ако ви здодеа ваквиот начин на употреба постојат неколку начини на кои можете да ја подготвите и да ја пробате во нови комбинации.
Пролетна супа – издробете 1-2 големи китки марула, додајте ѝ млад кромид и лук за побогат вкус. Слободно заменете ги зељето, блитвата, копривата со марула, ќе се изненадите од вкусот.
Таратор – класичниот таратор се прави од краставици и кисело млеко. Пробајте да ја замените краставицата со тенко сечкана марула. Зачинете со копар, лук и сечкани ореви. Ова е освежителна и заситувачка салата.
Безглутенски донер – ако сакате безглутенски јадења, можете да ги замените питите за донер, бурито и такос, со листови од марула. Наполнете ги смеса од месо и зеленчук и завиткајте ролнички. Ќе се насладувате на секој залак.
Сарми со марула – и ова јадење е изненадувачки вкусно. Големите листови од марула можете да ги наполните со смеса од мелено месо и ориз, и потоа да ги сварите. Пред послужување полејте ги со кисело млеко.
Пролетна баница – наместо зеље или блитва, ставете марула. Искомбинирајте ја со сирење и уживјате во новиот вкус на пролетната пита.