18.8 C
Скопје

Не се досадувајте ова попладне – Направете си полнети грклани

Прочитајте како да го подготвите овој превкусен десерт кој ќе го израдува целото семејство…

Состојки:

За тесто:

1 килограм брашно

2 лажички сол

2 лажички шеќер

150 милилитри масло

малку млака вода

500 грама маргарин

За фил:

1 литар млеко

1 ванилин шеќер

15 лажици шеќер

10 лажици брашно

4 јајца

150 грама маргарин

Подготовка:

Во подлабок сад, ставете го брашнот, солта и шеќерот ,маслото за јадење, малку млака вода и потребното количество на маргарин. Со рака, убаво измесете ги сите состојки. Откако ќе добиете лепливо тесто, оставете го да „одмори“ околу 10 минути. Потоа, на работната површина, посипете брашно и со помош на сукало развлечете кора, дебела околу еден сантиметар.

Со помош на остар нож, кората исечете ја на ленти. Секоја лента замотајте ја врз калапот за подготовка на „грклани“. Вака подготвеното тесто, се пече во претходно загреана рерна на температура од 200 степени целзиусови околу 15 минути. Кога тестото ќе биде готово, извадете го од рерна и почекајте да се излади.

За тоа време, започнете со подготовка на филот. Во 750 милилитри млеко додадете го шеќерот и ванилиниот шеќер и оставете ги состојките на оган за да се загреат.  Во друг сад, на страна, во остатокот од млекото, растворете го брашното, а потоа убаво измешајте го за да нема грутчиња.

Во трет сад, убаво изматете ги јајцата. Јајцата, и брашното, додадете ги во млекото кое врие на огнот. Мешајте постојано за да не загори кремот. Кога ќе ја добие потребната густина, вака подготвениот фил, тргнете го од оган и во него растопете го маргаринот.

Добиениот фил, се става во готварски шприц и со него се полнат гркланите.

Поврзани вести

Ова се симптомите на меланом, а на еден речиси никој не обрнува внимание!

Слободен Печат

Дневен хороскоп за 22 јуни: Сфатете дека радоста е во малите нешта

Слободен Печат

Прием во лудница

Слободен печат

На денешен ден – 22 јуни

Слободен Печат

ВИДЕО | Познатиот југословенски киоск К67 беше поставен на Тајмс сквер во Њујорк: Но, дали светот знае за неговата културолошка историја?

Слободен Печат

Најмоќната деловна жена во светот: Шерил Сандберг прозборе за дескриминацијата на жените во пандемијата

Слободен Печат

Остави Коментар