Навреда, ривалски потег или само инает: Лејди Гага носеше „Haus of Versace“ фустан на премиерата на „House of Gucci“ во Милано
Иако филмот „House of Gucci“ го ужива периодот на своите светски премиери овие денови, постојано се јавуваат интригантни шпекулации околу приказната која ја прикажува, прифаќањето од вистинското семејство Гучи, и секако, главниот лик кој го игра Лејди Гага. Но, на публиката ѝ е веќе познато дека Лејди Гага сака да шокира, па затоа вчерашната премиера потегнува нови шпекулации: дали е тоа навреда, ривалска интрига, или само чиста пркост?
Прашањето неизбежно се јави – Дали изборот на фустанот кој Гага го испарадира на премиерата на модниот филм е случајно немарен избор?
Гага ја носи насловната улога на филмот кој раскажува семејна приказна за еден од најголемите модни брендови на сите времиња, Гучи, па би се претпоставувало дека храброста да се изигра дел од модната историја носејќи го името Гучи ќе значи и бидување амбасадор на брендот, барем за време на појавувањата на црвениот килим на премиерите на истоимениот филм.
View this post on Instagram
На премиерата во Милано, која се одржа изминатиов викенд, Лејди Гага избра црвен сатенски корсет фустан од куќата Версаче, а веднаш по самиот настан објави фотографија на својот инстаграм-профил на која токму напиша дека овој викенд е „Haus of Versace“.
„Плачев цел ден изведувајќи прес во Милано. Толку сум благодарна и почесна што сум во нашиот филм „House of Gucci“. Доаѓа Денот на Благодарноста. Таткото, Синот и вечерва… „Haus of Versace““, напиша Гага.
View this post on Instagram
За црвениот тепих, Гага облече интензивно црвен сатенски фустан од Версаче со детали од корсет и шлиц до бутовите – за подобро да ги покаже сатенските шпиц црвени потпетици со платформа кои совршено одговараа на заводливата тоалета. Целиот изглед беше извлечен заедно со накит од Tiffany & Co и шик дел издигната, дел спуштена фризура, совршено заоблени веѓи, сјајна „nude“ усна и храбра шминка на очите.
View this post on Instagram
Првата премиера на филмот се одржа во Лондон, каде пејачката и актерка сепак се појави во Гучи виолетов фустан и мрежасти чорапи, и не изостави да му ги овозможи на фустанот „неговите 5 минути“ во драматичен стил.
View this post on Instagram
