Наставник од струмичко сексуално злоставувал малолетна ученичка

Семејно насилство
Илустрација: Семејно насилство / Фото: МИА

Наставник во основно училиште во струмичко, во периодот од октомври 2020 година до мај 2022 година, преку социјална мрежа испраќал пораки со експлицитна сексуална содржина на ученичка која немала наполнето 14 години.

Искористувајќи прилика кога останале сами во спортската сала на училиштето, тој во два наврати извршил и други полови дејствија, допирајќи ја и бакнувајќи ја оштетената.

„Основното јавно обвинителство Струмица донесе Наредба за спроведување истражна постапка против 40-годишник осомничен за кривично дело полов напад врз дете кое не наполнило 14 години, за кое е предвидена казна затвор од најмалку 12 години. Јавен обвинител до судијата на претходна постапка од достави предлог за определување мерка притвор, бидејќи постои опасност тој да се даде во бегство, да влијае врз сведоци или да го повтори делото. Судијата го прифати предлогот и на осомничениот му определи притвор во траење од 30 дена“ велат од ОЈО.

Обљубени две деца во Росоман

Видео на денот