Вториот најголем авиопревозник во Кина, Чајна Истерн планира да основа нова авиокомпанија и покрај големиот глобален пад на патници поради пандемијата на Ковид-19, пренесува британскиот јавен сервис Би-Би-Си.

Како што се наведува, Чајна Истерн, како дел од проектот, ги здружи силите со голем број партнери, вклучувајќи ја и најголемата кинеска туристичка агенција Trip.com.

Главната дестинација на новата авиокомпанија ќе биде островот Хаинан, центар за слободна трговија со осум милиони луѓе.

Во некои кругови се става под знак прашалник времето за започнување со работа на новата авиокомпанија, со оглед на тоа што воздухопловната индустрија во моментов се бори да го надмине колапсот на патувањата, предизвикан од пандемијата, додава Би-Би-Си.