Направете го овој оригинален бурек од пекарница и цело семејство ќе ви биде благодарно

Фото: Профимедиа

Ако сакате да го изненадите семејството како врвен мајстор, подгответе бурек од кој ќе замириса целата куќа.

За појадок, ручек или вечера, домашниот бурек е асоцијација за сочен и вкусен специјалитет коj го обожаваат сите генерации.

Потребни состојки за бурек по оригинален рецепт:

– 500 гр кори за пита

– 300 гр сирење

– 250 мл вода

– 125 мл масло

Подготовка:

Промешајте ја водата со маслото, а сирењето иситнете го со вилушка.

Ставете две кори на тепсија намастена со масло, така што краевите ќе ги преминуваат рабовите на тепсијата.

Со мешавината од вода и масло пропрскајте ги корите, па ставете уште две кори, кои исто така, треба да ги попрскате.

Ставете ја третата кора, а преку неа наредете дел од сирењето.

Продолжете со овој редослед, по две попрскани кори, па на третата сирење. Значи, на секоја шеста кора ќе ставате сирење, а на останатите само масло и вода.

Редете така додека корите не се потрошат. За крај, пропрскајте малку зејтин. Со корите кои ги преминале рабовите на тепсијата обвиткајте го бурекот.

Со остатокот од маслото и водата залијте го бурекот.

Печете на 180 степени околу 1 час, додека корите не добијат златно-жолта боја.

 

Видео на денот