На 29 и 30 март ќе се организира меѓународниот турнир Скопје опен Рамус Г1 2025 каде ќе настапуваат најдобрите теквондисти во светот.

Оваа година Скопје опен прераснува во најголемиот спортски настан во државата. Се очекуваат над 1000 натпреварувачи од над 50 држави од цел свет да пристигнат неколку национални тимови на олимписки велесили.

Скопје опен е во организација на Македонската Таеквондо Федерација, Таеквондо клубот Бутел и Таеквондо клубот Рамус-Софија, а генерален покровител на овој спортски спектакл е Министерството за спорт.

Скопје опен е Г1 турнир, меѓународен турнир кој е дел од официјаллниот календар на Светската таекводно асоцијација. Турнир кој носи бодови за остварување на олимписка норма.

Овој настан ќе се организира во големата сала на СЦ „Јане Сандански“, а борбите започнуваат од 09.00 часот. Да ги бодриме македонските репрезентативци предводени од сребрениот олимпиец Дејан Георгиевски.