Најбрзиот човек на светот со силна порака за социјално дистанцирање (ФОТО)
Атлетичарот од Јамајка на Твитер сподели слика каде на Игрите во 2008 во Пекинг триумфираше во трката на 100 метри со два и повеќе метри предност во однос на ривалите.
Поради пандемијата на коронавирусот се прекинати, одложени скоро сите спортски натпреварувања, а помеѓу нив и „кралицата“ на спортовите, атлетиката. Во карантин со цел да се спречи ширењето на вирусот се наоѓа и моментно најбрзиот човек на планетата, Усеин Болт од Јамајка.
Атлетичарот од Јамајка на Твитер сподели слика каде на Олимписките игри во 2008 во Пекинг, триумфираше во трката на 100 метри со два и повеќе метри предност во однос на противниците со порака за социјално дистанцирање, а воедно им честита Среќен Велигден на сите кои го слават најголемиот христијански празник.
Social Distancing #HappyEaster pic.twitter.com/lDCAsxkOAw
— Usain St. Leo Bolt (@usainbolt) April 13, 2020
Сликата „социјално дистанцирање“ датира од Олимпијата во Кина на која пред 12 години надмина дури три светски рекорди, а споменатата фотографија е од финалната трка на 100 метри.
На оваа трка Болт забележа светски рекорд откако истрча 100 метри за девет секунди и 69 стотинки, а подоцна истиот беше надминат со моментно најдобриот резултат на светот, 9.59 секунди.
Тука можете да погледнете како оствари три светски рекорди во Пекинг во дисциплините 100 метри, 200 метри и во штафетата 4×100 метри.