Хрватските цариници на аеродромот во Загреб спречиле обид за криумчарење на две отровни змии – кобри кои во државата пристигнале од САД.
Змиите биле нарачани од правно лице од Словенија и биле дел од пратка која во Хрватска пристигнала на 30 декември минатата година, пишува Индекс.

По извршените проверки, од царинската управа утврдиле дека двете влечуги ги немале потребните документи и за нив не постоела дозволата за увоз со Конвенцијата за меѓународна трговија со загрозени видови дива фауна и флора (CITES).

Со оглед на тоа CITES е главен документ за заштита на загрозените видови диви животни и растенија и е клучна дозвола при увоз и извоз на животни, отстуството на овој документ се смета за сериозен прекршок.

Правното лице од Словенија за кого била наменета пратката добило казна од 1.800 евра, а на одговорното лице му е изречена дополнителна глоба во вредност од 720 евра.

Кобрите биле запленети и сместени во Зоолошката градина во Загреб, каде има центар за нивна рехабилитација и соодветни услови, обезбедувајќи им професионална грижа и заштита.