Рафаел Надал е пред пензија, а поранешната шпанска тенисерка Гарбиње Мугуруса смета дека неговиот сонародник е подготвен за тој потег.

Надал вчера објави дека се повлекува од Лејвер купот, каде што требаше да го претставува Тимот на Европа на мечот против Тим Свет.

Мугуруса се пензионираше во април оваа година и го набљудуваше случајот со Надал од своја перспектива.

– Бев подготвена. Животот физички ми испраќаше сигнали. Само со нетрпение го очекував следното поглавје – изјави Мугуруса за Tennis.com.

Мугуруса воедно коментираше за Надал:

– Тој е толку подготвен (за пензија). Неговото тело, ум, едноставно сè…“, започна Габриње и потоа додаде:

– Време е да ужива со своето дете. Го гледав како се смешка цело време додека беше со бебето. Се прашував зошто е уште на терен? Нека си оди дома, качи се на бродот и оди во Мајорка. Мислам дека тој даде сè што имаше – вели поранешната тенисерка.