Министерот за надворешни работи и надворешна трговија, Тимчо Муцунски, му ја честиташе изборната победа на Петер Маѓар на парламентарните избори во Унгарија.

Во објава на мрежата „Икс“, Муцунски порача дека очекува добрата соработка меѓу двете земји да продолжи и во иднина, врз основа на заемна почит, партнерски односи и на заеднички европски вредности.

„Честитки за Петер Маѓар за изборниот резултат. Граѓаните на Унгарија се изјаснија и нема ништо поважно од демократската волја на народот. Ги вреднуваме силните билатерални односи градени со години, и со нетрпение очекуваме продолжување на нашата соработка заснована на заедничко почитување, партнерство и на споделени европски вредности“, напиша Муцунски на „Икс“.

Congratulations to @magyarpeterMP on the election results. The citizens of Hungary have spoken, and there is nothing more important than the democratic will of the people. We value the strong bilateral relations built over the years and look forward to continuing our…

— Timco Mucunski (@TimcoMucunski) April 13, 2026

На вчерашните парламентарни избори во Унгарија, по 16 години власт, Фидес на Виктор Орбан претрпе пораз, а најмногу гласови освои новата опозициска партија Тиса, предводена од Маѓар.

Според резултатите, Тиса обезбеди 138 пратенички мандати, Фидес 55, додека, пак, десничарската Ми Хазанк ќе добие шест места во парламентот. Со ваквиот резултат, Тиса обезбедува двотретинско мнозинство, што ѝ отвора простор за промени во судството и во регулаторните институции.

Унгарскиот пролетен ветар задува кон ЕУ