Му успеа со Португалија, но не и против новиот голман на Вардар! (ВИДЕО)
Францускиот чувар на мрежата, Кантегрел според досегашните најави наскоро во Скопје ќе им прави друштво на Ристовски и Кизиќ…
Како што и се најавува, од следната сезона 2020/2021 Робин Кантегрел треба да ги брани боите на Вардар.
Овој француски голман во составот на „црвено-црните“ ќе им прави друштво на искусниот македонски репрезентативец Борко Ристовски и екстра талентираниот Марко Кизиќ.
Досегашниот клуб на Кантегрел, денеска Сесон Рен го потврди заминувањето на овој играч, а веднаш и ангажираше ново засилување, словенечкиот интернационалец Јоже Базник.
Кантегрел (25) доаѓа во Скопје, откако претходно не беа успешни обидите на Вардарци да го ангажираат Никола Митревски кој најави трансфер во Порто.
Во продолжение погледнете ги квалитетите на новиот голман на Вардар, кој во рамките од француското првенство ги одмери силите и со нашиот најдобар ракометар Кирил Лазаров (Нант).
Во еден нивни меѓусебен дуел, нашиот десен бек лани се обиде на еден феноменален начин да ја затресе мрежата на Кантегрел, но овој уште подобро реагираше.
Ваква иста ситуација, Лазаров имаше и со репрезентацијата, во 2013 година во квалификации за ЕП, но тогаш беше успешен трикот со десна рака против Португалците.
