48-годишен монах од Србија е на интензивна нега во болница во Солун, откако скокнал од амбулантно возило во движење во северна Грција, соопшти грчката полиција, пренесе „Та Неа“.

Инцидентот се случил во вторникот, за време на транспортот од Уранополи кон Полигирос. Според информациите, монахот претходно се пожалил дека не се чувствува добро и имал симптоми кои упатувале на можен срцев проблем.

Во текот на возењето, истражителите претпоставуваат дека тој го одврзал безбедносниот појас, по што скокнал од возилото. Точните околности и мотивите за инцидентот сè уште се утврдуваат.

Повредениот монах најпрво бил пренесен во Општата болница во Полигирос, а потоа бил препратен на натамошно лекување во болницата „Ипократио“ во Солун.

ВИДЕО: Поп благословува „Ауди“ во Софија, на туристи им дојде да се прекрстат