Денеска е осми август, а според многу верувања овој ден се смета за најсреќниот ден во годината. Неговата тајна се крие во двете осмици, кои според астролозите симболизираат двојна среќа.

Во кинеската култура, големо значење се придава на бројот осум, кој се смета за особено среќен, тој е одраз на моќ, изобилство и успех, а бидејќи неговата форма го формира знакот на бесконечноста, има и езотерично значење.

Друга причина зошто бројот осум се смета за среќен е неговата совршено симетрична форма. Може да се преполови на кој било начин, а двете половини ќе бидат идентични една со друга.

– Совршената симетрија овозможува совршена рамнотежа. Денешните вибрации 08. 08 испраќаат порака за обновување и ве замолуваат да го направите првиот храбар чекор кон вашето животно патување. Ако го задржите вистинскиот став во овој момент, постои потенцијал за голем успех во сè што правите – изјави астрологот Ејми Зернер.

Сонцето, кое владее со нашата енергија и фокус, танцува со Јупитер, планетата на чудата и среќата, забележуваат астролозите. Треба да се чувствувате како да сте на врвот на светот, затоа уживајте во односите и нивната стабилност.

– Треба да го искористите вашето добро расположение, ентузијазам и самодоверба за максимално да ја искористите среќата поврзана со овој ден. Направете нешто важно бидејќи во моментов ве следи голема среќа – изјави астрологот Кајл Томас.

Осми август е посебен затоа што тогаш Венера, планетата на љубовта и убавината, го бакнува Јупитер, планетата на чудата. Затоа ова е совршен период да ја пронајдете вистинската љубов, а не само летна авантура. Ако сте запознале некого, отворете ги очите и срцето широко бидејќи чувството може да биде многу посилно отколку што мислите.