Многу повеќе сакам сонце, базен и пиво отколку Франција
Францускиот тенисер Беноа Пер се смета за еден од најинтересните тенисери кој секогаш е искрен во своите изјави.
Беноа Пер по настапот на Австралија Опен, одлучи да не прави пауза и настапува на турнирот во Кордоба, Аргентина каде обезбеди пласман во четвртфиналето по победата над Чилеанецот Николас Жари со 6:2,6:4. Турнирот во Кордоба е од серијата АТП 250 со награден фонд од 294.235 долари.
Пер се одлучи да настапи во топлата Аргентина каде сега е лето наместо да игра на турнирот во Монпелје во родната Франција. Французинот имаше оригинален одговор зашто ја избра Аргентина пред Франција.
– Тешко ми е да играм без публика, во Франција е ладно. Толку сум блиску до домот и семејството и знам дека доколку го загубам првиот сет, едноставно ќе посакам што побрзо да си одам дома. Сакам земјени терени и повеќе сакам да сум тука на сонце, во хотел со базен и пиво отколку да сум во Франција – одговори Пер.
Пер во четвртфиналето ќе се сретне со аргентинскиот тенисер Федерико Корија кој беше подобар од Франсиско Черундоло со 1:6,2:6,4:6.