„Мисија ЕУРО 2020“: Ракометарите спремни за турскиот „пекол“! (ФОТО) – Слободен печат
РакометСпорт

„Мисија ЕУРО 2020“: Ракометарите спремни за турскиот „пекол“! (ФОТО)

Машката сениорска репрезентација на Македонија денеска во Ескишехир ќе игра против Турција во претпоследниот меч од квалификациите за ЕП 2020.

Селекторот Данило Брестовац, заедно со 16 играчи на кои ќе смета за мечот ги одработија последните подготовки во салата каде вечерва од 18:00 часот по македонско време ќе го одиграат натпреварот против најдобрите турски ракометари.

Македонија и Исланд имаат по пет освоени бодови во досегашните четири средби, додека репрезентацијата на Турција е на третата позиција на табелата со четири бодови, потоа Грција со два бода.

Фото: РФМ

Официјалниот состав на македонската репрезентација за денешниот дуел: Димитриоски, Георгиевски, Јагуриноски, Костески, Кукоски, Кузмановски, К. Лазаров, Бор. Маџовски, Н. Маркоски, В. Маркоски, Митревски, Пешевски, Ристовски, Стоилов, Талески, Танкоски.

Дејан Манасков поради повреда ќе ги пропушти двата важни дуели за учество на ЕУРО. А како што се најавува Стоилов нема да настапи против Грција.

Фото: РФМ

По средбата во Ескишехир, Македонија последното коло од квалификациите ќе го одигра во недела (16 јуни) против Грција во Струмица.

Во првата пресметка помеѓу Македонија и Турција одиграна во Битола во октомври 2018, Македонија славеше со 31:27. Судии на денешниот меч се Евгени Зотин и Николај Володков од Русија.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close