Руската државна новинска агенција ТАС ја пренесе изјавата на Милановиќ од Вуковар во која тој го критикува односот на западните земји кон војната во Украина и санкциите воведени кон Русија.

„САД и НАТО учествуваат во прокси војна против Русија на територијата на Украина, изјави хрватскиот претседател Зоран Милановиќ на прес-конференција во градот Вуковар на истокот на земјата“, пишува ТАСС.

ТАСС ја пренесува и неговата реченица во која вели дека „Вашингтон и НАТО водат прокси војна против Русија со помош на Украина“. Посочуваат дека Милановиќ рекол и дека не гледа смисла да се воведат санкции кон Москва.

„Планот не треба да биде замена на Путин. Планот не треба да биде санкции. Санкциите се апсурдни и не можеме да постигнеме ништо со нив. Тие не можеа ни да го поразат Милошевиќ. Тие се движат од една во друга војна. Но како да се чувствувам – како роб на Америка?“ стои изјавата на Милановиќ пренесена од ТАСС.