Мењан е новиот голман на Милан, Донарума во Челси или Јуве!?

epa07137628 Paris Saint Germain's Angel Di Maria (L) in action against Lille's goalkeeper Mike Maignan during the French Ligue 1 soccer match between Paris Saint-Germain (PSG) and Lille (LOSC) in Paris, France, 02 November 2018. EPA-EFE/CHRISTOPHE PETIT TESSON

Досегашниот играч на францускиот шампион Лил, Мајк Мењан е новиот голман на Милан, денеска официјално соопштија од италијанскиот клуб.

Само еден ден откако техничкиот директор на „росонерите“, Паоло Малдини изјави дека капитенот на миланската екипа Џанлуиџи Донарума си заминува од „Сан Сиро“, веднаш беше промовирана неговата замена.

Информациите велат дека се платени 13 милиони евра за 25-годишниот Мењан кој важи за суперталентиран голман, претходно беше дел од младинската школа на ПСЖ.

За репрезентацијата на Франција дебитираше во октомври 2020 година, а се наоѓа и на списокот играчи за настап на Европското првенство.

За Донарума се шпекулира дека ќе ги засили редовите на Јувентус, а интерес покажува и премиерлигашкиот гигант Челси.

Отказ за Пирло, Алегри се враќа во Јувентус

Видео на денот