фото: EPA-EFE/JAMES ROSS

Медисон Киз херојски до првата грен слем титула

Американската тенисерка Медисон Киз го освои Австралија опен, откако во финалето ја совлада Арина Сабаленка со 2:1 (6:3, 2:6, 7:5).

Американката, 14. рангирана во светот, направи голем подвиг и ја освои првата Грен слем титула со победите над двете најдобри тенисерки на ВТА турнејата. И двата триумфа беа остварени по голема борба и три одиграни сета.

Девојката која долго време е на ВТА турнејата и пред ова играше само едно Грен слем финале, конечно ја круниса кариерата со најважниот трофеј.

Киз многу подобро го започна мечот и поведе со 5:1 во првиот сет. Сепак, нервите ја надминаа, а од друга страна, светскиот рекет број еден покажа за каков играч е најдобро. Таа успеа да врати еден брејк намалувајќи на 5:3. Но, мора да се пофали и Киз, бидејќи веднаш реагираше, ја врати храброста и го зеде веќе видениот прв сет со брејк – 6:3.

Но, по вториот сет малкумина веруваа дека оваа приказна ќе има среќен крај за неа. Вториот сет Сабаленка го доби на прилично убедлив начин. Работеше првиот сервис, имаше позитивен сооднос на директни поени и неизнудени грешки, а резултатот беше 6:2. Сепак, во третиот сет Киз се врати во нејзината игра и беше виден најдобриот сет на финалето.

Голема борба, која на крајот заврши по 12 гемови. Киз го доби последниот гем со брејк, заработувајќи го поенот со прецизен форхенд во голем стил.

Со оваа победа Киз ќе се израмни со својот најдобар пласман во кариерата на седмото место.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот