Комбинацијата од мед и ореви уште од дамнина се смета за природен еликсир на здравјето. Овој едноставен, но исклучително хранлив спој е богат со витамини, минерали и антиоксиданси и поволно влијае врз имунитетот, хормоналната рамнотежа, енергијата и општата состојба на организмот. Оревите во мед се препорачуваат и за мажи и за жени, но секогаш во умерени количини, пишува „Е-клиника“.

Мед – природна ризница на хранливи материи

Медот содржи повеќе од 180 различни супстанции, меѓу кои витамини од Б-групата, витамини А, Ц и Е, природни шеќери и фитохемикалии. Богат е со минерали како калиум, магнезиум, калциум, фосфор и железо, кои придонесуваат за создавање црвени крвни зрнца и за јакнење на организмот.

Благодарение на силните антиоксидантни и противвоспалителни својства, медот го штити срцето и крвните садови, помага во регулирањето на крвниот притисок и ја поттикнува детоксикацијата на организмот. Редовната, умерена употреба може да го подобри варењето, да го зајакне нервниот систем и да придонесе за подобра плодност.

Ореви – чувари на срцето, мозокот и коските

Оревите се најбогат растителен извор на омега-3 масни киселини (АЛА), кои помагаат во намалување на воспаленијата, регулирање на телесната тежина и одржување на здрав кариоваскуларен систем. Содржат изобилство влакна, протеини, манган, магнезиум, калциум и витамини од Б-групата.

Манганот од оревите има значајна улога во зачувувањето на густината на коските, во производството на колаген и во побрзото заздравување на раните. Антиоксидансите од оревите го штитат организмот од слободни радикали и се поврзуваат со намален ризик од срцеви, невродегенеративни и малигни заболувања.

Ореви во мед за имунитет и виталност

Во комбинација, медот и оревите делуваат како вистинска енергетска бомба. Го јакнат имунитетот, помагаат побрз опоравок по физички напор и придонесуваат за постабилно ниво на енергија во текот на денот. Со додавање лимон и бадеми, оваа мешавина станува уште повредна: витаминот Ц ја подобрува апсорпцијата на хранливите материи, а бадемите додаваат витамин Е и дополнителни антиоксиданси.

Зошто оваа комбинација е особено добра и за жените?

Покрај влијанието врз продукцијата на тестостерон кај мажите, комбинацијата од мед и ореви го стимулира и лачењето на естроген и прогестерон – хормони клучни за женското здравје. Затоа може позитивно да влијае на хормоналната рамнотежа, ублажување на симптомите на ПМС, енергијата и расположението, плодноста и здравјето на репродуктивниот систем.

Благодарение на здравите масти од оревите и природните шеќери од медот, оваа комбинација може да им помогне и на жените кои се чувствуваат исцрпено, имаат нередовни циклуси или се под зголемен стрес.

Природен афродизијак и сојузник на плодноста

Оревите во мед ја подобруваат циркулацијата и го зголемуваат нивото на енергија, што позитивно влијае на либидото кај двата пола. Оревите се богати со цинк, важен за квалитетот на спермата, додека медот придонесува за подобра хормонална активност. Поради тоа, оваа мешавина често се смета за еден од најприродните афродизијаци.

Револуција во слатките: Мед со вкус на чоколадо направен на неверојатен начин