Со проширувањето на турнирот на 48 репрезентации и 12 групи, форматот на Светско првенство 2026 се претвора во вистински математички предизвик. Кога екипите ќе ја завршат групната фаза со ист број бодови по три одиграни натпревари, ФИФА применува јасно утврдена хиерархија на правила за рангирање.

Интересно е што постои мала разлика во пристапот, историски гледано, ФИФА секогаш ѝ дава предност на вкупната гол-разлика, за сите натпревари да останат важни до самиот крај, додека УЕФА почесто го фаворизира меѓусебниот скор.

За турнирот во 2026 година, примарен останува вкупниот учинок, а потоа следува таканаречената „мини-табела“ меѓу изедначените селекции.

Чекор 1: Вкупен учинок во групата

Пред да се анализира кој кого победил, се разгледуваат статистиките од сите три натпревари:

Најдобра гол-разлика (постигнати минус примени голови)
Најголем број постигнати голови

Чекор 2: „Мини-табела“ (меѓусебен скор)

Ако тимовите и понатаму се изедначени, се земаат предвид само нивните меѓусебни дуели:

Најмногу освоени бодови во тие натпревари
Гол-разлика во меѓусебните пресметки
Најголем број постигнати голови

Чекор 3: Дисциплина и ранг-листа

Во ретки ситуации кога нема разлика ниту по овие критериуми, одлуката паѓа на:

Фер-плеј бодови (казнени поени за картони: жолт -1, индиректен црвен -3, директен црвен -4, жолт па директен црвен -5)

Важно е да се нагласи дека понатаму ќе се пласираат и осумте најдобри третопласирани селекции, па овие правила ќе бидат клучни не само за врвот во групата, туку и за опстанок на турнирот.

Мундијалот почнува на 11 јуни, а финалето е закажано за 14 јули.