Уште еден медал е обезбеден за македонското карате на Европското првенство за кадети, јуниори и помлади сениори (У21) во карате што се одржува во Лимасол, Кипар, од 6 до 8 февруари 2026 година.

Во категоријата -67 кг. во У21 конкуренцијата Матеј Белистојаноски успеа да обезбеди финале.

На ова натпреварување со Матеј Белистојаноски е и селекторот Петар Белистојаноски.

Нашиот натпреварувач најпрвин со 9:1 го совлада Микита Бахамолетс (ВКФ-2), потоа Ригерс Рами од Албанија со 5:1, следуваше победа над Шкотланѓанецот Џо Галагер (4:1) и Амине Еја од Белгија со 5:4.

На претпоследната пречка триумфираше над Назарии Праничук од Украина со 5:4. Во финалето противник ќе му биде Георгиос Балиотис од Грција кој со 5:2 беше подобар од Фабрицио Џордано од Италија.

Претходно најмалку сребрен на ЕП обезбеди и Немања Младеновиќ кај кадетите во категоријата +70 кг.

Македонскиот каратист Немања Младеновиќ во финалето на Европското првенство во Лимасол