Во тек е Европското првенство за кадети, јуниори и помлади сениори (У21) во карате што се одржува во Лимасол, Кипар, од 6 до 8 февруари 2026 година.

Македонскиот каратист Немања Младеновиќ успеа да обезбеди финале во категоријата +70 кг во кадетска конкуренција.

Така, нашиот натпреварувач обезбеди најмалку сребро на ова натпреварување, но има можност да донесе злато за нашата земја доколку во финалната борба го совлада Омар Гогричиани од Грузија.

Претходно на патот до финалето Младеновиќ запиша вкупно четири победи.

Најпрвин триумфираше против Марсел Гора од Ирска со 4:0, потоа со истиот резултат беше подобар и од Лукас Витасек од Чешка.

Следуваше победа од 2:1 против Панајотис Лазаридис од Грција, а со 3:1 славеше против Рихард Митрик од Словачка.