Маскерано лут после скандалот на ОИ: Ова е најголемиот циркус што сум го видел во животот
Фудбалерите на Мароко во Сент Етјен ја победија Аргентина со 2:1, во натпреварот од првото коло од групата Б на Олимписките игри во Париз.
Препорачано
Во самиот финиш на натпреварот Аргентина постигна израмнувачки гол, по што мароканските навивачи предизвикаа нереди и натпреварот беше прекинат.
Еден час по инцидентот, натпреварот продолжи, а по консултација со ВАР, судијата посочи дека вториот гол на Аргентина е поништен поради офсајд, а Мароко на крајот забележа победа.
Селекторот на Аргентина, Хавиер Маскерано збесна поради целиот исход, а после се откри и непријатности во организацијата на самиот турнир.
– Некој ни упадна во просториите, украдени се работи на Алмада! Бараат да се акредитираме за сè, а потоа се случуваат такви работи. Седум пати упаднаа на теренот, ни фрлаа петарди. Ни кажаа дека е готово, 2:2. Ниту Мароко не сакаше да игра. Ова е најголемиот циркус што сум го видел во животот – откри Маскерано, кој потоа ја опиша целата ситуација.
