ВИДЕО: Неверојатно, ВАР после два часа им го поништи голот на аргентинските фудбалери
Неверојатни сцени на првиот ден на Олимпијадата во Париз, фудбалските репрезентации на Аргентина и Мароко се сретнаа во првото коло и дури по четири часа и 12 минути беше решен победникот. Во овој дуел победник беше Мароко кој славеше со 2:1.
Препорачано
Овој, многу возбудлив натпревар, падна во сенка на хаос по неочекуваниот гол на Аргентинците во 16. минута од судиското надополнување. Судиите на ВАР го поништија аргентинскиот гол кој го постигна Кристијан Медина во 90+16 за 2:2, откако мечот беше речиси два часа прекинат.
INCREDIBILE PAREGGIO DELL’ARGENTINA AL 106° ???
L’Albiceleste pareggia i conti contro il Marocco all’ultimo respiro con il gol di Christian Medina ???#HomeOfTheOlympics #Paris2024 #Argentina pic.twitter.com/RhGbumylGc
— Eurosport IT (@Eurosport_IT) July 24, 2024
Morocco beat Argentina as VAR intervened over an hour after the game was suspended due to disturbances in the crowd. #Paris2024 pic.twitter.com/duwQ3iwmTJ
— Eurosport (@eurosport) July 24, 2024
Непосредно пред тоа, судијата ги врати играчите на теренот од соблекувалните каде што ги испрати бидејќи не беа создадени услови да заврши – мароканските навивачи фрлаа сè што имаа од трибините и безбедноста беше доведена во прашање.
Резултатот 2:2 потоа остана на сила, бидејќи и судиите за ВАР беа на пауза, а трибините беа празни. Дури кога ситуацијата се смири, односно два часа по голот на Аргентина, ситуацијата при постигнувањето на аргентинскиот гол беше прегледана во ВАР-собата и „замрзнатото“ видео беше објавено на екранот на стадионот за сите да го видат.
Утврдено е дека Медина, стрелецот на голот, беше во офсајд (минимум, одлучено по сантиметри) во моментот кога бил активиран по ударот во пречката на неговиот соиграч. Натпреварот потоа продолжи, играчите излегоа да ги одиграат последните три минути од натпреварот при резултат 2:1 за Мароканците кои успеаја да ја зачуваат мрежата во преостанатото време и да победат.
Аргентина е инаку бранителот на олимписко златен медал. Во другите натпревари Шпанија го победи Узбекистан со 2:1, Египет и Доминиканската Република ремизираа 0:0, а Нов Зеланд ја победи Гвинеја со 2:1.
