Малку поинаков рецепт за омиленото летно јадење – ѓувеч
Ѓувечот е традиционално македонско јадење со богати бои, вкусови и ароми. Неизбежното летно јадење подеднакво го сакаат и љубителите на месо, но и оние што преферираат зеленчук, па затоа е одличен избор за сите вкусови.
Ѓувечот може да се направи на повеќе начини – може да се комбинираат различни состојки, по желба може да се направи без месо само во варијанта од зеленчук.
Состојки:
– 1 филџан конзервиран грашок
– 100-150 г ориз
– 3 домати
– 3 пиперки
– 2 моркови
– 1 кромид
– 1 модар патлиџан
– 2 чешниња лук
– 1 коцка за супа од зеленчук
Подготовка:
Во шерпата сипете ја водата (700 мл) и додајте една коцка супа. Кога ќе се растопи, тргнете го тенџерето од шпоретот.
Во садот што сте го подмачкале со масло, ставете ги доматите, грашокот, морковите, модриот патлиџан, пиперките и исечканиот кромид. Претходно измијте го зеленчукот. Додајте го измиениот ориз како и зачините, па добро измешајте. Прелијте со две третини од бујонот со зеленчук.
Покријте и печете на 220 степени околу 35 минути. Потоа отстранете го капакот, по потреба додајте уште малку вода или супа, а потоа намалете ја температурата на 180 степени и печете уште 10 минути. По желба посипете со сечкан магдонос.
Ако сакате да направите ѓувеч со месо, прво малку подинстајте го или пропржете го, па додајте го зеленчукот и печете.