На 10. меѓународен кикбокс куп „Балкан Бест Фајтерс“ во Ниш, Србија, македонскиот натпреварувач Максим Митровски се закити со златен медал.

Митровски освои прво место и пехар за најдобар борец во ринг во лоу кик во сениорска конкуренција.

Тој беше најдобар во категоријата -75 кг., во финалето триумфираше против Павле Стојшин од Србија.

Митровски на патот до финалната борба славеше против уште еден српски борец, Матија Антовиќ (3:0).

На ова натпреварување учествуваа 66 клуба и 287 натпреварувачи од Србија, Црна Гора, Македонија, Бугарија, Босна и Херцеговина, Романија и Полска.