Францускиот претседател Емануел Макрон повика на регулирање на криптовалутите, односно нивна државна контрола, со цел да се спречи нивна „злоупотреба за терористички цели“ и да се спречи финансиски „Див запад“.

Според него, поради недостаток на регулатива, сите власти во светот можат да бидат соучесници во терористички активности и организиран криминал.

– Порано знаевме финансиски свет кој беше целосно нерегулиран. Постепено го регулиравме тој свет преку правилата за одржливост, ликвидност, а исто така и правилата за транспарентност со цел да ги следиме нелегалните текови и финансирањето на нелегални активности – рече Макрон.

Покрај регулирањето на криптовалутите, Макрон ги наведе „јасната заедничка борба“ и финансиската реинтеграција како приоритети за борбата против тероризмот во финансискиот свет.

– Секој пат кога ќе победиме терористичка група, ако не следат економски развој и политичка и административна нормализација, терористичките групи се враќаат затоа што нудат неформални економски можности – рече Макрон- пренесе Каматица.

Биткоинот денес се тргува околу 67.000 долари – пазарот внимателно ја следи глобалната неизвесност