Македонските кикбоксери обезбедија два медали на Светското јуниорско првенство
Македонската кикбокс репрезентација настапува на ВАКО Светското првенство за деца, кадети и јуниорски во Лидо Ди Једоло во Италија.
Репрезентацијата е предводена од претседателот на Кик Бокс Маи Таи федерацијата, Дејан Митровски – Урко, заедно со генералниот секретар Драган Атанасовски.
За ова СП силите ќе си ги одмерат 1924 натпреварувачи во 2566 пријави од 62 држави.
Јадранка Темелкова кај јуниорките во дисциплината лоу кик (-56 кг.) обезбеди бронза по победата над Николе Буљан од Хрватска, а за среброто ќе се бори против Канита Муминовиќ од Босна и Херцеговина.
Во дисциплината кик лајт кај јуниорите Нелсон Узеир (-89 кг.) обезбеди бронзен медал по триумфот над Винце Торок од Унгарија со 3:0.
Узеир во полуфиналето ќе се бори против Франческо Криваро од Италија и за најмалку сребро за нашата земја.