Македонскиот репрезентативец Магдевски потпиша за Донар Гронинген

Холандија е новиот предизвик во клупската кариера на Андреј Магдевски/фото: kfsm.mk

Андреј Магдевски одлучи кариерата да ја продолжи во Холандија каде ќе ги брани боите на Донар Гронинген. Македонскиот репрезентативец до сега настапуваше за нашиот актуелен шампион МЗТ Скопје Аеродром.

Претходно пред да се пресели во СЦ „Јане Сандански“ беше дел од белградски Партизан (Србија), шпанскиот Ринкон и Плоешти од Романија.

Холанѓаните објавуваат дека во 2021 година беше прогласен за најкорисен играч во Првата македонска лига, а сезонава има просек од 4,9 поени и 5,4 асистенции по меч.

Од Донар Гронинен воедно најавуваат дека најверојатно нашиот играч ќе дебитира в среда против Будивелник во ФИБА Европа купот.

– Го избрав Донар бидејќи тоа е голем клуб со одлична организација. Покрај тоа, сакам да играм за екипа со најголеми очекувања. Мојата цел за оваа сезона е да му помогнам на тимот да победи што повеќе натпревари, да освои што е можно повеќе трофеи и да ги израдувам навивачите – вели Магдевски за клупскиот сајт.

Видео на денот