Македонија вечерва доби европски медалист во таеквондо откако младиот Филип Блажевски од таеквондо клубот Бутел во категоријата под 80 килогами освои бронзен медал на Европското првенство до 21 година во Приштина. На патот до подиумот, Блажевски постигна три победи обезбедувајќи еден од најголемите младински спортски триумфи за Македонија во 2025 година.

Во својата категорија, Блажевски имаше импресивен настап: во првата борба ја победи молдавската надеж Александру Манита со 2:0 (14:2 / 5:0), а во втората го победи украинскиот репрезентативец Олександар Јефимов, исто така со 2:0 (14:4 / 13:1). Во борбата за медал славеше против Французинот Ајман Бери со 2:1 (3:3 / 5:5 / 16:4), пред да загуби во четвртата рунда од Хрватот Оскар Ковачиќ со 2:0.

Блажевски беше под водство на помошник-селекторот Иван Крстевски и со својот настап покажа дека е сериозна олимписка надеж за Македонија, оставајќи силен впечаток на младинската европска сцена.

Преземено од: Sport.com.mk