Босанскиот дефанзивец Мухаремовиќ е нов фудбалер на Лидс
Лидс јунајтед официјално го ангажираше босанскиот репрезентативец Тарик Мухаремовиќ од Сасуоло за сума од 34,1 милиони фунти.
Препорачано
Дваесет и тригодишниот дефанзивец потпиша петгодишен договор со англискиот клуб и ќе биде замена за Паскал Струјк, кој летово се пресели во Брајтон за 20 милиони фунти.
Мухаремовиќ е второто засилување на Лидс во летниот преоден рок, откако претходно без обештетување пристигна Хари Вилсон од Фулам.
„Ќе дадам сè за овој клуб. Во секој натпревар ќе оставам сè од себе“, изјави Мухаремовиќ по потписот.
„Сакам само да победувам. Мразам да губам и ќе се борам за секоја топка, без разлика дали ќе ја оттурнам со глава или со нога“, додаде новиот дефанзивец на Лидс.
🗣️ Muharemovic’s first words at #LUFC:
“I will give everything for this club. I will give everything, every game. I just want to win. I hate to lose and I will fight for every ball, even if it is my head or my feet, I am going.” pic.twitter.com/fpmKaAR7HC
— Leeds Zone (@LeedsZone_) July 17, 2026
Мухаремовиќ настапи на три натпревари за репрезентацијата на Босна и Херцеговина на Светското првенство, меѓу кои и дуелот од шеснаесетфиналето против ко-домаќинот САД.
Во тој натпревар врз него направи прекршок Фоларин Балогун, кој доби црвен картон. Сепак, ФИФА подоцна ја поништи суспензијата по интервенција на американскиот претседател Доналд Трамп.
Роден во Љубљана, Мухаремовиќ ја започна својата кариера во Австрија, каде што дебитираше за Волфсбергер во 2021 година.
🚨🇧🇦 𝐎𝐅𝐅𝐈𝐂𝐈𝐀𝐋 | Leeds United sign Tarik Muharemovic (23) from Sassuolo. £34m fee for the defender. ⚪️✨
This is the second biggest signing in Leeds United history. 💰 pic.twitter.com/Lp9ONtFKmH
— EuroFoot (@eurofootcom) July 17, 2026
Подоцна се пресели во Јувентус, но не запиша настап за првиот тим. По успешната позајмица, во 2025 година беше продаден на Сасуоло.
Според италијанските медиуми, Јувентус ќе добие 50 проценти од трансферната сума благодарение на клаузула договорена при неговата продажба минатото лето.
