Иако развојот на настаните на 50 од можните 52 круга во Силверстон на трката за Големата награда на Британија навестуваа дека ова ќе биде нова еден-два победа за возачите на Мерцедес, во последните два круга се случи вистинска лудница.

Хамилтон до 50. круг имаше сигурно водство, Ботас ја одржуваше предноста пред третопласираниот возач на Ред Бул, Макс Ферстапен и се мирисаше на нова двојна победа. Но, прво во 50. круг му пукна левата предна гума на Ботас кој го загуби второто место, за во последниот крг истото да му се случи и на Хамилтон, му пукна левата предна гума.

Причината за ова е тоа што возачите возеа со тврдите гуми 34 круга, додека се препорачува да не се вози повеќе од 30 круга.
Сепак, предноста на Хамилтон пред Ферстапен во последниот круг беше преголема, околу 30 секунди и успеа без едно тркало да го извозе кругот и да дојде до победата.

Ова беше седма победа за Ханмилтон на „Силвертсон“ и вкупно 87. во кариерата со што дојде на само четири трки од рекордерот Михаел Шумахер. Второто место му припадна на Ферстапен, додека како трет заврши возачот на Ферари, Шарл Леклер.

Вториот возач на Мерцедес, Валтери Ботас е најголем губитник на трката за ГН на Британија бидејќи наместо втор поради пехот со пневматиците на крајот заврши како 11. и остана без освоен бод.

Хамилтон е лидер во генералниот пласман со 88 бода, дури 30 повеќе од Ботас, додека Ферстапен е трет со 52 бода.
Наредната трка во Формула 1 шампионатот ќе се вози наредната недела исто така на патеката Силверстон.