Имаме двајца македонски репрезентативци кои се дел од елитата, Елиф Елмас кој потпиша летово за италијанскиот вицешампион Наполи се најде во групата Е со бранителот на титулата Ливерпул, австрискиот Салцбург и белгискиот Генк.

Аријан Адеми со Динамо Загреб ќе играат во групата Ц со Манчестер сити, украинскиот Шахтјор Доњецк и калчолигашот Аталанта.

Без сомнение ќе бидеме сведоци на многу интересни пресметки, а ќе ги одвоиме оние најатрактивните ПСЖ-Реал Мадрид во групата А, потоа Баерн Минхен-Тотенхем од групата Б, па Јувентус на мегдан со Атлетико Мадрид во групата Д, како и Барселона-Интер во групата Ф.

The full @ChampionsLeague group stage draw. pic.twitter.com/JHagZMRD4R

— Neil Jones (@neiljonesgoal) August 29, 2019

На денешната ждрепка учествуваа две големи фудбалски имиња, Весли Снајдер и Петр Чех кои што ги формираа сите осум групи.

Лига на шампиони, сезона 2019/2020

Група А: ПСЖ, Реал Мадрид, Клуб Бриж, Галатасарај.
Група Б: Баерн Минхен, Тотенхем, Олимпијакос, Црвена Звезда.

Група Ц: Манчестер сити, Шахтјор Доњецк, Динамо Загреб, Аталанта.
Група Д: Јувентус, Атлетико Мадрид, Баер Леверкузен, Локомотив Москва.

Група Е: Ливерпул, Наполи, Салцбург, Генк.
Група Ф: Барселона, Борусија Дортмунд, Интер, Славија Прага.

Група Г: Зенит, Бенфика, Лион, Лајпциг.
Група Х: Челзи, Ајакс, Валенсија, Лил.