Лигата на шампионите се враќа со полуфиналните натпревари, денеска од 21.00 часот на стадионот „Сантијаго Бернабеу“ во Мадрид силите ќе ги одмерат Реал и Манчестер сити.

Тренерот на Реал, Карло Анчелоти не може да смета на долго повредениот Ферландо Менди и Едер Милитао кој собра картони, па покрај Карвахал, Алаба и Ридигер, треба да игра Камавинга. Од другата страна го нема Нејтан Аке кој ќе биде заменет од Џон Стоунс или Кајл Вокер.

A mouth-watering tie in the semis 🤤#UCL pic.twitter.com/4jFTO9DnX7

— UEFA Champions League (@ChampionsLeague) May 9, 2023

Според многумина ова е како „финале пред финалето“, минатата година Реал го совлада Ливерпул во финалето со голот на Винисиус, но ништо од тоа немаше да се случи доколку Родриго не го направеше еден од најголемите пресврти во историјата на фудбалот.

Лани овие две екипи се сретнаа и во полуфиналето и тогаш Сити го доби првиот меч во Англија со 4:3. Потоа поведоа со 1:0 во вториот меч со голот на Марез, а Родриго со головите во 90 и 91 минута се избори за продолженија во кои Карим Бензема постигна гол од пенал за „кралскиот клуб“.

Benzema 🆚 Man City…@Benzema || #UCL pic.twitter.com/Q9BwUKrfpS

— UEFA Champions League (@ChampionsLeague) May 9, 2023

Сега ситуацијата е поинаква, Реал не ја има најдобрата сезона и е многу далеку зад Барселона во „Ла Лига“, иако неодамна освоениот „Копа дел Реј“ им го подигна расположението. Од друга страна, тимот на Пеп Гвардиола го фати моментумот кон крајот на сезоната и има одлични резултати. Го совладаа Арсенал во директен дуел за титулата 4:1 и сега се на чекор до нова титула во Премиер лигата, ќе играат и финале во ФА купот против Манчестер јунајтед.

Де Брујне, Едерсон, Вокер, Фоден, Халанд и Алварез сакаат да му го донесат на Гвардиола трофејот што му недостасува долго време. Доколку сакаат да успеат, мора да поминат преку Модриќ, Бензема, но и големиот стратег Анчелоти.

Анчелоти ги израдува навивачите на Реал пред полуфиналето во ЛШ со Манчестер Сити